Nýsköpun í stjórnun og sveigjanlegt teymi

Manino var stofnað árið 2016 af Pétri Arasyni, rekstrarverkfræðingi með skýrri sýn að færa stjórnun úr föstum skorðum og koma hugmyndum í hreyfingu. Nafnið Manino stendur fyrir Management Innovation eða nýsköpun í stjórnun.

Ástríðan Manino liggur í að styðja fyrirtæki og stjórnendur að þróast, aðlagast og ná árangri með nútímalegum og árangursríkum aðferðum. Við byggjum vinnu okkar meðal annars á hugmyndafræði á borð við Lean, Agile, Beyond Budgeting, Management Hacking og breytingastjórnun – alltaf með áherslu á hagnýta innleiðingu og raunveruleg áhrif.

Manino hefur sinnt stjórnenda- og fyrirtækjaráðgjöf við góðan orðstír frá stofnun. Við höfum haldið sjálfstæð námskeið og kennt lotur bæði við HR og HÍ, auk þess að standa að ráðstefnum sem hafa vakið mikla athygli, þar á meðal Nýsköpun í stjórnun og Nýsköpun í stjórnsýslu. Þar hafa heimsþekktir fyrirlesarar sótt okkur heim og öflugir samstarfsaðilar, meðal annars Viðskiptaráð Íslands, tekið virkan þátt.

Við aðlögum teymi okkar að þörfum hvers verkefnis og komum inn í fyrirtæki til lengri eða skemmri tíma. Eftir eðli verkefna ráðum við til okkar sérfræðinga og stækkum eða minnkum teymið í samræmi við áherslur og sérþekkingu sem þörf er á hverju sinni.

Katrín M Guðjónsdóttir

Ráðgjafi & eigandi

Katrín er stjórnendaráðgjafi með yfir 20 ára reynslu af stjórnunar- og leiðtogastörfum í opinberu og alþjóðlegu umhverfi. Hún hefur gegnt lykilhlutverkum sem framkvæmdastjóri, ráðgjafi, stjórnarmaður og stjórnarformaður og býr yfir djúpri þekkingu á stefnumótun, stjórnsýslu, hagsmunagæslu og umbreytingum.

Katrín sameinar rekstrarlega festu, samfélagslega ábyrgð og skýra framtíðarsýn.

Hún hefur víðtæka starfsreynslu sem hefur kennt henni að setja sig fljótt inn í flókin viðfangsefni og taka erfiðar ákvarðanir.
Katrín hefur verið leiðandi í stefnumótun fyrirtækja og innleiðingu nýrrar framtíðarsýnar, endurskilgreint vörumerkjastefnur og mótað þær frá grunni. Hún hefur byggt upp sterk teymi sem hafa náð árangri, og tekið ábyrgð á og framfylgt flóknum mannauðsmálum.

Það að hafa starfað í ólíkum geirum gerir henni kleift að koma inn í fyrirtæki til skemmri eða til lengri tíma, allt eftir þörf og áherslum til að styrkja núverandi stöðu.

Ef þú ert í stöðu þar sem þú þarft skýra hugsun, trúnað og reynslu við borðið – þá skulum við ræða saman.

Sími: 788 0003

Netfang: katrin@manino.is

Sérhæfing

Stefnumótun
Samskipti – innri og ytri
Branding – stefnumörkun
Vörumerkjastefna
Markaðsmál
Vöru- og verðstefna

Leiðtogi til leigu
Verkefnastjóri til leigu
Markaðsstjóri til leigu
Innkoma inn í fyrirtæki til skemmri eða lengri tíma

Pétur Arason

Stofnandi & eigandi

Manino var stofnað árið 2016 af Pétri Arasyni. Nafnið Manino þýðir í raun nýsköpun í stjórnun, sem endurspeglar ástríðu fyrir að draga fram breytingar og nota nútíma aðferðir til að umbreyta föstum kerfum í hreyfanlegar aðferðir. Þetta felur í sér aðferðir eins og Lean, Agile, Beyond Budgeting, Management Hacking og breytingastjórnun. Manino hefur byggt upp gott orðspor fyrir ráðgjöf til stjórnenda og fyrirtækja, boðið sjálfstæð námskeið og kennt við bæði Háskóla Íslands og Háskólann í Reykjavík. Ráðstefnur Manino eru vel þekktar, þar á meðal “Nýsköpun í stjórnun” og “Nýsköpun í stjórnsýslu,” þar sem heimsþekktir fyrirlesarar hafa komið til okkar og góðir samstarfsaðilar eins og Viðskiptaráð Íslands hafa tekið virkan þátt.

Pétur er reynslumikill stjórnandi sem hefur starfað hjá bæði erlendum og innlendum fyrirtækjum, m.a. hjá Marel í 10 ár. Sem ráðgjafi hefur Pétur unnið með fjölda fyrirtækja, sveitarfélaga, stofnana og félagasamtaka. Hann hefur umfangsmikla reynslu af stefnumótunar- og umbreytingaverkefnum, bæði í alþjóðlegu viðskiptaumhverfi og á íslenskum atvinnumarkaði. Auk þess hefur Pétur kennt við Háskóla Íslands og Háskólann í Reykjavík og haldið fjölmörg námskeið um nútíma stjórnunaraðferðir.

Pétur hefur meistaragráðu í rekstrarverkfræði frá Háskólanum í Álaborg og er starfandi sveitarstjóri Húnabyggðar.

Sími: 776 0770

Netfang: petur.arason@manino.is

Sérhæfing

Stefnumótun
Samskipti – innri og ytri
Stjórnendaráðgjöf
Ráðgjöf
Fyrirlestrar

Lean & breytingastjórnun